主页 > 物流新奇 >〔HOT GOSSIP〕是月也:通街笋嘢执! >

〔HOT GOSSIP〕是月也:通街笋嘢执!

2020-05-22

〔HOT GOSSIP〕是月也:通街笋嘢执!〔HOT GOSSIP〕是月也:通街笋嘢执!

‧ 时代唔同咗,加上全球化同多年嘅经济起落,无论係边度,生活嘅习惯同十年前都唔同晒,尤其係购物嘅习惯,已经好依赖Internet,纵使有啲家常嘢真係沾唔着边,都一样可能受Internet影响,例如有人係facebook流传某啲讲法时,就会连买棵菜边度贵咗平咗都会即刻知道。又关摄影事?梗关啦!好多时都係有图有真相嘛,有边个上FB唔係即刻影张相同拍条片呢?

‧ 哈,讲开买嘢,就讲买相机啦,以前大家买二手相机、镜头、配件会点呢?未有Internet大家要去相机舖睇啰,下下要搭车出去尖咀,都係成本嚟啦。如果有嘢想放售,去到舖头好多时真係一颈血,如果想直接同买家Deal,就最多係杂誌登下放售嘅广告。有咗Internet就唔同,大家早期可以係啲讨论区放售,同买家倾好晒先至去交收,省时方便。到咗依家,Facebook即时传图传字,加上好多群组都早就定下规矩,卖家要标价,买家可私讯再议,所有嘢都透明好多,买卖双方都会觉得方便咗。

‧ 讲开二手相机群组,photonews去年都开咗一个香港二手相机群组,反应都唔错,好多人都Post了唔少精品,而且价钱有平有贵,有啲以前都冇谂过咁平嘅机都一样有平售,群组里面嘅人大多数都跟足规矩,讲清讲楚机身有乜问题,并列明价钱,等準买家掌握个Condition,气氛良好。有见大家有买卖二手相机的需要,而且好多朋友有大量宝贝卖极都卖唔完,因此photonews最加加开网页版的香港二手相机,名叫852camera.com,好易记!

〔HOT GOSSIP〕是月也:通街笋嘢执!

‧ 里面笋嘢都唔少,尤其係菲林相机,以前好多影友后生未有钱时日望夜望想拥有嘅旗舰机皇,依家都係几千有找,真係睇见都兴奋,可以实现梦想,不再曾经想有,可以即刻拥有啦!举个例,一部Nikon大F连测光顶,虽然测光坏咗,但其他机件正常可如常拍摄,少少凹咗啫,90%新净,都係$2,400港纸,真係买嚟欣赏都抵!想玩新啲嘅Film旗舰,Nikon F5新净都只係$2,680,真係行得郁得。得闲记得上网去搜刮下,真係大把笋嘢执,分分钟畀你执到件又平又靓嘅。

‧ 当然,便宜莫贪呢句说话大家都听得多,幸而最后都係要亲身睇过先买,又唔係隔山买牛,大可放心。有说香港遍地黄金,人地跌咗嘅钱当然唔可以拾遗不报啦,分分钟坐监添呀,但係二手嘢买卖,人弃我取,价啱就你情我愿,执到心头好确係件乐事。‧

‧ 公子就畀番啲贴士大家,首先係货比三家,睇下同类器材市场普遍价钱,第二小心老鼠货,唔小心买咗贼赃就麻烦,所以尽量与有名有姓嘅人交易会安全啲,用假名或一睇就知都唔係影友就要留神,最后係无论买卖,最好係事先讲好价,验过货就货银两讫,用现金避免找赎,当然现在也流行以物易物,都係唔错嘅。

‧ 最近同一班喜欢係FB po相嘅摄影人倾开计,大家都话要提升自己相片嘅「吸Like力」,佢地话Facebook上愈多人畀Like,自己就愈开心,因为代表张相够水平,所以已经成为咗佢地努力改进影艺嘅因素。

〔HOT GOSSIP〕是月也:通街笋嘢执!

相关推荐

精选文章

点击排行